فلسطینی غیر قانونی تارکین وطن نہیں جنہیں کہیں اور بھیج دیا جائے، ترکی الفیصل

ریاض : سعودی عرب کے سابق انٹیلجنس چیف شہزادہ ترکی الفیصل نے کہاہے کہ فلسطینی غیر قانونی تارکین وطن نہیں ہیں جنہیں کہیں اور بھیج دیا جائے۔ فلسطینیوں کو منتقل کرنا ہے تو انہیں حیفہ، جافہ اور دیگر اسرائیلی قصبوں میں واپس بھیجا جائے۔ جہاں سے انہیں نکالا گیا تھا۔
امریکی صدر ڈونلڈ ٹرمپ کو لکھے گئے خط میں ترکی الفیصل نے لکھا کہ زمینیں فلسطینیوں کی اپنی ہیں اور جو گھر اسرائیل نے تباہ کیے ہیں وہ ان کے گھر ہیں، اور وہ انہیں دوبارہ تعمیر کریں گے جیسا کہ انھوں نے ان پر پچھلے اسرائیلی حملوں کے بعد کیا تھا۔ شہزادہ ترکی الفیصل نے امریکی صدر کو خط میں لکھا کہ فلسطینیوں کو اسرائیل میں واقعہ زیتون اور کینو کے باغات بھی جانے کی اجازت دی جائے۔ مشرق وسطیٰ میں کوئی امن تب تک نہیں قائم ہو سکتا جب تک اس عظیم مسئلے کو انصاف اور برابری کے ساتھ حل نہیں کیا جاتا۔