فلسطینی بیماری، بھوک اور بمباری سے جانیں گنوارہے ہیں، اونروا

غزہ : فلسطین میں اقوام متحدہ کے امداد و بحالی کے ادارے اونروا نے کہا ہے کہ فلسطینی بیماری۔ بھوک اور بمباری سے جانیں گنوارہے ہیں۔ اونروا کے سربراہ فلیپ لازرینی نے کہا ہے کہ عالمی برادری امداد روکنے کے بجائے فلسطینیوں کی مدد کرے اور اسرائیل کو جنگ بندی پر مجبور کرے۔فلیپ لازرینی نے کینیڈا کی طرح امداد روکنے والے دوسرے ممالک کو بھی فلسطینیوں کی امداد فوری بحال کرنے کا مشورہ دیا ہے۔اونروا کی رپورٹ کے مطابق فلسطینیوں کی امداد بحال نہ کی گئی تو قحط اور غذائی قلت سے ایک ماہ میں اموات اسرائیلی فوج کی چھ ماہ سے جاری جنگ سے زیادہ ہوسکتی ہیں۔ فلیپ لازرینی کے مطابق غزہ میں چالیس فیصد افراد ایک وقت ہی زندہ رہنے کے لیے کھانا حاصل کرسکتے ہیں اور وہ کھانا بھی غذائی ضروریات پوری کرنے کیلئے نا کافی ہوتا ہے۔کئی افراد فاقے کررہے ہیں۔ دودھ پلانے والی مائیں بچوں کو دودھ نہیں پلا پارہی ہیں۔