Raza Musani 
تل ابیب : صیہونی وزیر اعظم بنیامین نیتن یاہو نے ہٹ دھری کا مظاہرہ کرتے ہوئے امریکی دباؤ مسترد کرتے ہوئے فلسطینی ریاست کے قیام کیخلاف اپنے موقف کو دہرایا ہے۔ بنیامین نیتن یاہو کے دفتر سے جاری بیان میں کہاگیاہے کہ ویراعظم نے امریکی صدر جو بائیڈن کے ساتھ فون پر بات چیت میں فلسطینی ریاست کے قیام کا کوئی وعدہ نہیں کیا۔ بیان کے مطابق نیتن یاہو نے اپنی پالیسی کا اعادہ کیا کہ حماس کو تباہ کرنے کے بعد اسرائیل کو غزہ پر سکیورٹی کنٹرول برقرار رکھنا چاہئے۔ تاکہ اس بات کو یقینی بنایا جاسکے کہ غزہ اسرائیل کیلئے مزید خطرہ نہ بنے۔ نیتن یاہو نے کہا کہ مغربی اردن کے پورے علاقے پر اسرائیلی سیکیورٹی کنٹرول پر کوئی سمجھوتہ نہیں کریں گے۔
