Raza Musani 
غزہ: غزہ میں گھروں کو واپسی کیلئے مسلسل تیسرے دن بھی فلسطینیوں کی لمبی قطاریں لگی ہوئی ہیں۔ ہزاروں فلسطینی پیدل اور گاڑیوں سے شمالی غزہ پہنچ رہے ہیں جہاں ملبے کے ڈھیر کے سوا کچھ موجود نہیں ہے۔ واپس آنے والے ملبے کے ڈھیروں پر یا اس کے آس پاس میں ایسی چھت اور مقام تلاش کر رہے ہیں جہاں وہ سر چھپا سکیں۔ مقامی انتظامیہ نے سڑکوں اور گلیوں سے ملبہ ہٹانے کا کام شروع کردیا ہے تاکہ واپس آنے والوں کیلئے راستہ بنایا جاسکے۔
اقوام متحدہ کے ادارے اوچا کے مطابق اڑتالیس گھنٹوں میں تین لاکھ چھیتر ہزار فلسطینی شمالی غزہ پہنچ گئے۔ بمباری سے تباہ عمارتوں نے شمالی غزہ کو ملبے کا ایک بڑا ڈھیر بنادیا ہے۔ شمالی غزہ میں پانی۔ بجلی اور مواصلات کے نظام تک کچھ بھی موجود نہیں ہے۔
