فلسطینی قیدیوں نے غاصب ریاست کے ارادہ کو توڑ کر رکھ دیا ہے، اسماعیل ہانیہ

غزہ: حماس کے سیاسی شعبے کے سربراہ اسماعیل ہانیہ نے صیہونی ریاست کی جانب سے بھوک ہڑتال کرنے والے فلسطینی قیدیوں کے سارے مطالبات مان لینے پر اظہار خیال کرتے ہوئے کہا کہ فلسطینی قیدیوں نے غاصب ریاست کے ارادہ کو توڑ کر رکھ دیا ہے۔ فلسطینی عوام تمام میدانوں میں صیہونی ریاست پر فاتح ہوں گے۔ اسماعیل ہانیہ نے اس فتح پر فلسطینی قیدیوں، عوام اوردنیا کے سارے آزادی پسند لوگوں کو مبارک باد پیش کی۔ غاصب صیہونی ریاست نے فلسطینی قیدیوں کے سارے مطالبات کو تسلیم کر لیا ہے جنہوں نے بھوک ہڑتال کی ہوئی تھی۔رپورٹ میں مزید بتایا گیا ہےکہ صیہونی ریاست نے قبول کیا ہے کہ وہ صیہونی جیلوں میں شدت پسند سیکیورٹی وزیر ایتماربن گویر کے لاگو کردہ نئے قوانین کو ختم کردے گی۔