Raza Musani 
راولپنڈی : پاکستان نے زمین سے زمین تک مار کرنے والے بیلسٹک میزائل شاہین ٹو کا کامیاب تجربہ کیا ہے۔آئی ایس پی آر کا کہنا ہے کہ شاہین ٹو زمین سے زمین تک مار کرنے والا بیلسٹک میزائل ہے۔ اس تجربے کا مقصد فوجیوں کی تربیت اور مختلف آلات کی کارکردگی جانچنا تھا۔ آئی ایس پی آر کے مطابق اسٹرٹیجک پلان ڈویژن، آرمی اسٹرٹیجک فورس کمانڈ، سائنسدانوں اور انجینئرز نے تجربے کا مظاہرہ دیکھا۔ ڈی جی ایس پی ڈی نے کامیاب تجربے پر سائنسدانوں اور دیگر عملے کی صلاحیتوں کو سراہا۔آئی ایس پی آر کے مطابق صدر مملکت آصف زرداری اور وزیر اعظم شہباز شریف نے کامیاب تجربے پر متعقلہ ٹیم کو مبارکباد دی ہے۔
