Raza Musani 
اسلام آباد: پاکستان نے پاک ایران گیس لائن پر امریکی تحفظات مسترد کردئے۔ پاکستانی دفتر خارجہ کی ترجمان ممتاز زہرہ بلوچ نے پریس بریفنگ میں کہا کہ پاکستان نے بارہا پاک ایران گیس پائپ لائن پر اپنے عزم کی تجدید کی ہے۔ گیس لائن پر فیصلہ حکومت پاکستان کا اپنا فیصلہ ہو گا۔ ترجمان نے کہا کہ یہ پائپ لائن پاکستان اپنے علاقے میں تعمیر کر رہا ہے، اس وقت پہلا نکتہ گیس پائپ لائن کی تعمیر ہے، ہم اس تعمیر کے لیے پر عزم ہیں۔
امریکی نائب وزیرخارجہ ڈونلڈ لو نے کہا تھاکہ امریکا اس منصوبے کی تعمیر روکنے کی کوشش کر رہا ہے۔ کہ امریکا ایران اور پاکستان کے درمیان گیس پائپ لائن منصوبے کو مزید آگے بڑھانے کا مخالف ہے امریکہ نے شروع سے ہی اس کی مخالفت کی تھی اور خدشہ ظاہر کیا تھا کہ اگر پاکستان نے اس پر عمل کیا تو اسے مالی جرمانے کا سامنا بھی کرنا پڑ سکتا ہے۔
