Raza Musani 
اسلام آباد : پاکستان نے ایران کے ساتھ ایک اور سرحدی راہداری کھول دی۔ نئی راہداری نوکنڈی کےعلاقے راجےمیں کھولی گئی۔ڈپٹی کمشنر منصور بلوچ اور چیئرمین سینیٹ کے والد نے نئی راہداری کا افتتاح کیا۔راجے گیٹ سے سفری اور تجارتی سرگرمیوں کو فروغ ملے گا۔ چیئرمین سینیٹ صادق سنجرانی نے تہران میں ایرانی صدر سے ملاقات کے بعد کہا تھا کہ نومنتخب ایرانی صدر نے بلوچستان میں پاک ایران سرحد سے متصل مزید 6 تجارتی راہداریاں کھولنے کا اعلان کیا ہے۔انہوں نے ایرانی صدر کو آگاہ کیا تھا کہ سرحد سے متصل مقیم بلوچ مزید تجارتی راہداریوں کے خواہاں ہیں۔
