پاکستان کو آزاد خارجہ پالیسی کی ضرورت ہے، علامہ راجہ ناصر عباس

اسلام آباد: ایم ڈبلیو ایم کے سربراہ سینیٹر علامہ راجہ ناصر عباس نے کہا ہےکہ پاکستان کو آزاد خارجہ پالیسی کی ضرورت ہے۔ سنیٹ میں اظہار خیال کرتے ہوئے علامہ راجہ ناصر عباس نے کہاکہ لاپتہ افراد غیر قانونی اٹھائے جاتے ہیں ان کےلئے آواز بنلد کی جائے۔ قانون آئین پر عملدآری نہ ہونا سب سے بڑا مسئلہ ہے۔ انہوں نے کہا کہ عزم استحکام پاکستان آپریشن کی متعلقہ صوبے کے لوگ مخالفت کررہے ہیں۔ مقامی سپورٹ کے بغیر آپریشنز کامیاب نہیں ہوتے۔ عزم استحکام پاکستان آپریشن کی مخالفت کرتے ہیں۔ ایوان میں اس آپریشن سے متعلق بحث کرانی چاہیے۔ انہوں نے کہا کہ دہشت گردی کے خلاف جنگ میں اب تک 70 ہزار سے زائد افراد لوگ شہید ہو چکے ہیں۔ انہوں نے مطالبہ کیا کہ گلگت بلتستان کو پاکستان میں شامل کرنے کےلئے کمیٹی بنائی جائے۔ نان فائلرز کو حج عمرہ کی اجازت ہے تو زیارات کی اجازت بھی دی جائے۔ آئین کےمطابق حکومت کسی کو فائلر نان فائلر کی بنیاد پر سفر سے نہیں روک سکتی۔