پاکستان کسی مخصوص بلاک کا حصہ نہیں، دفتر خارجہ

اسلام آباد: ترجمان دفترخارجہ نےکہاہے کہ پاکستان کسی مخصوص بلاک کا حصہ نہیں، وزیر اعظم کا کسی ایک بلاک کا حصہ نہ بننا پاکستان کی پالیسی ہے، پاکستان ہر ایک کیساتھ اچھے تعلقات کا خواہاں ہے، اقوام متحدہ کی ماحول سے متعلق گلاسگو کانفرنس میں عدم شرکت پر جو بیانات آئے ان میں کوئی حقیقت نہیں، امریکا کیساتھ ہم مستقل رابطے میں ہیں، اور اعلی سطح امریکی کمیٹیوں کے ارکان پاکستان کا دورہ کریں گے۔امید ہے چین طلبہ کامعاملہ جلدحل کرلےگا،19دسمبرکواوآئی سی اجلاس میں افغانستان میں سنگین انسانی صورتحال پر توجہ مرکوز کی جائیگی، ترجمان دفتر خارجہ عاصم افتخار نے ہفتہ وار بریفنگ میں کہا کہ طلبہ کے معاملے پر چین کیساتھ مکمل رابطے میں ہیں، امید ہے جلد چین اس مسئلے کو حل کر لے گا۔