پاکستان مذہبی آزادی کی تشویش والے ممالک میں شامل، بھارت کو کلین چٹ

واشنگٹن: امریکہ نے مذہبی آزادی کی رپورٹ میں پاکستان کو خاص تشویش والے ممالک کی فہرست میں شامل کردیا۔ جبکہ بھارت کو کلین چٹ دے دی گئی۔ امریکی محکمہ خارجہ نے سالانہ مذہبی آزادی کی رپورٹ جاری کردی ہے۔ جس میں پاکستان سمیت روس، چین ،سعودی عرب، الجزائر، آذربائیجان، وسطی افریقہ، کوموروس اور ویتنام کو بھی خصوصی واچ لسٹ میں نامزد کیا گیا ہے۔ امریکی وزیر خارجہ انٹونی بلنکن کا کہنا ہےکہ حکومتوں کو مذہبی اقلیتی برادریوں کے ارکان اور ان کی عبادت گاہوں پر حملے ختم کرنا چاہئیے۔امریکہ مذہبی آزادی کو خاص اہمیت دیتا ہے۔