پاکستان اور بھارت تناؤ کا حل خود نکال لیں گے، ٹرمپ

واشنگٹن: پاک ہند کشیدگی پر امریکی صدر ڈونلڈ ٹرمپ کا بھی بیان سامنے آگیا۔ ٹرمپ نےکہا دونوں ملک کسی نہ کسی طرح مسئلہ کا حل نکال لیں گے۔ ٹرمپ نے اٹلی جاتے ہوئے طیارے میں میڈیا سے گفتگو کے دوران مسئلہ کشمیر کو ڈیڑھ ہزار سال پرانا مسئلہ قرار دیدیا۔ ٹرمپ نے دعویٰ کیا کہ دونوں ملک کشمیر پر ہزار سال سےلڑرہے ہیں۔ یہ مسئلہ ہزار سال یا شاید اس سے بھی زیادہ عرصے سے چل رہاہے اور یہ بری صورتحال ہے۔ ٹرمپ نے کہا کہ پاکستان اور ہندوستان کے تعلقات ہمیشہ کشیدہ رہے ہیں۔ میں دونوں ممالک کے رہنماؤں کو جانتا ہوں۔ ٹرمپ نے کہا کہ وہ ہندوستان کےقریب ہیں اور پاکستان کے بھی بہت قریب ہیں۔ ٹرمپ دونوں ملکوں کے رہنماؤں سے رابطہ کرنے سے متعلق سوال کا جواب گول کرگئے۔