پاک ایران گیس لائن، امریکا سے استثنیٰ لینے کا فیصلہ

اسلام آباد: نئی حکومت نے پاک ایران گیس پائپ لائن منصوبے پر امریکی پابندیوں کیخلاف استثنیٰ کی درخواست دائر کرنے کا فیصلہ کیا ہے۔ نگراں حکومت نے امریکی پابندیوں کیخلاف درخواست دائر کرنے کا پلان مؤخر کیا تھا۔ وزیر پٹرولیم مصدق ملک نے کہا ہے کہ پاکستان آئی پی گیس منصوبے کے تحت پابندیوں کامتحمل نہیں ہوسکتا۔ امریکا سے استثنیٰ لینے کی کوشش کریں گے اور پاکستان کا مقدمہ بھرپور اندازمیں پیش کریں گے۔ وزیر پیٹرولیم مصدق ملک نےکہا کہ پاک ایران گیس پائپ لائن منصوبے کی تعمیرجلد شروع کرنا چاہتے ہیں نگراں حکومت نے پاک ایران گیس پائپ لائن تعمیر کرنے سے متعلق منظوری دی تھی۔