کورونا وائرس کے پھیلاؤ میں تیزی، کراچی میں شرح 35 فیصد ہوگئی

اسلام آباد : ملک میں کورونا وائرس کے پھیلاؤ میں تیزی آگئی، کراچی میں مثبت کیسز میں تشویشناک اضافہ ہوا ہے اور شرح 35فیصد سے تجاوز کرگئی، گزشتہ 24 گھنٹوں کے دوران ملک بھر میں کورونا کے 52522 ٹیسٹ کیے گئے ۔ 4286 افراد میں کورونا وائرس کی تصدیق ہوئی۔ مثبت کیسز کی شرح 8.16 فیصد رہی۔ مزید 4 افراد کے انتقال سے اموات 29003 ہوگئی۔
کراچی میں کورونا وائرس کے مثبت کیسز کی شرح 35 اعشاریہ 30 فیصد تک جاپہنچی۔ شہر میں گزشتہ روز 8 ہزار 63 ٹیسٹ کیے گئے۔2 ہزار 846 افراد میں وائرس کی تشخیص ہوئی ہے۔راولپنڈی میں کورونا کے مثبت کیسز کی شرح 9 اعشاریہ 94 فیصد، لاہور میں 8 اعشاریہ 5 فیصد اور اسلام آباد میں 6 اعشاریہ 95 فیصد ریکارڈ کی گئی۔مظفر آباد میں شرح 11 اعشاریہ 90 فیصد ہوگئی۔