Raza Musani 
اسلام آباد : چیئرمین ایم ڈبلیو ایم پاکستان علامہ راجہ ناصر عباس جعفری نے کہا کہ آئین و قانون شکنوں کے خلاف ہماری اصولی جدوجہد جاری رہے گی، ملک میں نالائقوں کو حکومت میں لانے کا نتیجہ تباہی و رسوائی کی صورت میں نکلا ہے، گلگت بلتستان کی عوام کیساتھ زیادتیوں کا ازالہ کرنا ہو گا ۔ ان خیالات کا اظہار انہوں نے مجلس وحدت مسلمین پاکستان گلگت بلتستان کے زیر اہتمام شہدائے جنگ آزادی گلگت بلتستان و پاکستان عظیم الشان عظمت شہدا و استحکام پاکستان کانفرنس سے خطاب کرتے ہوئے کیا۔ راجہ ناصر عباس جعفری نے کہا کہ ہم نے 20 ہزار سے زائد شہید دیئے کسی ایک قاتل کو بھی سزا نہیں دی گئی، ہم نے الحمدللّٰہ وطن عزیز میں شیعہ سنی وحدت کو فروغ دیا، پاکستان کی بقاء کی ضمانت مسلم پاکستان ہے، مسلکی پاکستان بنانے والے وطن عزیز کے اصل دشمن ہیں، جی بی کے بغیر یہ ملک ایک دن بھی نہیں چل سکتا، ان کو آج تک آئینی شناخت نہیں دی گئی ایسا کب تک چلے گا۔
