جنگ بندی میں دیگر ممالک نے بھی کردار ادا کیا، امریکی ترجمان

واشنگٹن : امریکا نے کہاہے کہ اسرائیل اور حماس کے درمیان جنگ بندی میں صرف واشنگٹن نہیں بلکہ دنیا کے دیگر ممالک نے بھی کردار ادا کیا ہے۔
امریکی وزارت خارجہ کی اردو ترجمان مارگریٹ میکلاؤڈ نے نے کہا کہ سربراہی اجلاس میں صدر ٹرمپ کی قیادت میں بورڈ آف پیس قائم ہوا، یہ بورڈ امن کی بنیاد بنے گا۔ انہوں نے کہا کہ بورڈ میں فلسطینیوں کے علاوہ ماہرین کی کمیٹی ہوگی، جو امداد پہنچانے کے علاوہ دہشت گردی کا انفرااسٹرکچر ختم کرے گی۔ مارگریٹ میکلاؤڈ نے کہا کہ حماس، فلسطینوں کی نمائندگی نہیں کرتی انہوں نے لوگوں کو ڈھال کے طور پر استعمال کیا، سربراہی اجلاس کی قرارداد غزہ میں امن کا ڈھانچہ مہیا کرے گی، امید ہے کہ پاکستان سمیت دیگر خاص قابلیت اور وسائل والے ممالک امن کے قیام کیلئے کام کریں گے۔