اسرائیلی فوج کی غزہ میں قتل و غارت کے ساتھ منظم لوٹ مار

غزہ: اسرائیلی فوج غزہ میں قتل و غارت کے ساتھ لوٹ مار بھی کررہی ہے ۔ یورپی انسانی حقوق کی تنظیم نے صیہونی فوج کی گھناؤنی سرگرمیاں بےنقاب کردیں۔ یورو میڈ ہیومن رائٹس مانیٹر کے مطابق اسرائیلی فوج چھاپہ مارنے کے نام پر فلسطینیوں کے گھروں میں لوٹ مار بھی کررہی ہے۔ صیہونی فوج فلسطینیوں کے اثاثے اور پیسے ہتھیا لیتی ہے۔ کئی واقعات میں گھروں سے نقدی، کمپیوٹر اور سونا لوٹ لیا گیا۔ یہ سب ایک منظم حکمت عملی کے تحت کیا جارہا ہے۔ انسانی حقوق تنظیم نے صیہونی فوج کی سنگین خلاف ورزیوں کی جامع اور غیر جانبدارانہ بین الاقوامی تحقیقات کا مطالبہ کیا۔