پاکستانی اور ایرانی تاجروں کا آن لائن اجلاس

تہران : پاکستان کی تاجر برادری نے ایران کے ساتھ دو طرفہ تجارت ، مواقع کی تلاش اور مسائل پر تبادلہ خیال کے لئے آن لائن اجلاس کیا۔ اجلاس میں ایران و پاکستان کےساتھ ساتھ روسی کمپنیوں نےبھی شرکت کی۔اس اجلاس میں استنبول میں پاکستان کے کونسلرجنرل اور ایران میں پاکستان کے کمرشل اتاشی نے مختلف مسائل پر تبادلہ خیال کیا۔حالیہ ماہ کے دوران پاکستان کے تجارتی ٹرک ایران کے راستے ترکی اور جمہوریہ آذربائیجان گئے۔ اس اجلاس میں ٹرانزٹ کے اس عمل پر بھی گفتگو کی گئی اور مختلف مسائل پر غور کیا گیا اور اسی طرح پاکستان ایران ترکی مال بردار ای سی او ریل پر بھی تبادلہ خیال ہوا۔