4 میں سے ایک لاش یرغمالی خاتون کی نہیں ہے، اسرائیلی دعویٰ

تل ابیب :اسرائیلی فوج نے گذشتہ روز حوالے کی گئی چار میں سے ایک لاش کو یرغمالی کی لاش ماننے سے انکار کردیا۔ حماس نے گذشتہ روز خاتون شیری بیباس اور اس کے دو بچوں اور ایک مرد کی لاش اسرائیل کے حوالے کی تھی۔ اسرائیل نے دو بچوں اور مرد کی لاش کی شناخت کو درست قرار دے دیا ہے جبکہ خاتون کی لاش کے بارے میں اسرائیل کا کہنا ہے کہ شیری بیباس کی لاش تبدیل ہے۔ خاتون کے شوہر سمیت دیگر اہلِ خانہ کو لاش سے متعلق آگاہ کر دیا ہے۔ اسرائیلی فوج نے حماس سے مطالبہ کیا ہے کہ وہ شیری بیباس سمیت تمام یرغمالوں کو واپس اسرائیل بھیجے۔