انقلاب کی 45 ویں سالگرہ، ایران اللہ اکبر اور امریکا واسرائیل مردہ باد کے نعروں سے گونج اٹھا

تہران : انقلاب اسلامی ایران کی 45 ویں سالگرہ پر لاکھوں افراد سڑکوں پر نکل آئے۔ پورا ایران اللہ اکبر اور امریکا واسرائیل مردہ باد کے نعروں سے گونج اٹھا۔ سب سے بڑی ریلی دارالحکومت تہران کے آزادی چوک پر نکالی گئی۔ جس میں ایرانی پرچم اٹھائے لاکھوں افراد نے حصہ لیا اور خوشی اور مسرت کا اظہار کیا، اس موقع پر نور افشانی بھی کی گئی۔ خلیج فارس سے لے کر بحیرہ کیسپیئن اور سیستان و بلوچستان سے لے کر خوزستان تک ہر صوبے اور شہر میں عوام ریلیوں میں شریک ہیں۔ ہفتے کی رات ایرانی عوام نے گھروں کی چھتوں پر چڑھ کر تکبیر کے نعرے بھی بلند کئے۔