Raza Musani 
غزہ : حماس نے پانچ سے سات سالہ جنگ بندی کے بدلے تمام اسرائیلی قیدیوں کو رہا کرنے کی پیشکش کردی۔ حماس کے رہنماؤں نے جنگ بندی کے لیے قاہرہ میں ثالثوں سے ملاقات کی۔ مذاکرات کے قریبی ذرائع نے نیوز ایجنسی رائٹرز کو بتایا کہ حماس غزہ میں اسرائیل کے ساتھ طویل جنگ بندی کے لیے تیار ہے لیکن وہ ہتھیار ڈالنے کے لیے تیار نہیں ہے۔ انہوں نے مزید کہا کہ حماس جنگ کے خاتمے کے بدلے پانچ سے سات سال کی جنگ بندی پر راضی ہو سکتی ہے، جس سے غزہ کی تعمیر نو، اسرائیل میں قید فلسطینیوں کی رہائی اور تمام یرغمالیوں کی رہائی کی اجازت دی جائے گی۔ حماس کے ترجمان طاہر النونو نے کہا کہ حماس طویل مدتی جنگ بندی کے لیے تیار ہے تاہم نونو نے اسرائیل کے اس بنیادی مطالبے کو مسترد کر دیا کہ حماس اپنے ہتھیار ڈال دے۔ مزاحمت کے ہتھیار قابل گفت و شنید نہیں ہیں۔
