Raza Musani 
اسلام آباد: سربراہ مجلس وحدت مسلمین علامہ راجا ناصر عباس جعفری نے کہاہےکہ کسی بیرونی طاقت کو پاکستان کے اندرونی معاملات میں مداخلت کا حق نہیں ہے۔ بانی پی ٹی آئی عمران خان پاکستان کی وفاق میں اتحاد کی علامت ہے۔ عرب اسکالرز یہ مانتے ہیں کہ بانی پی ٹی آئی ان کی طاقت ہے۔ انہوں نے کہا کہ پاکستان کا قیام شیعہ سنی اتحاد سے عمل میں آیا۔ سالہا سال اہل تشیع اور اہل سنت کو لڑانے کی کوشش کی گئی۔ انہوں نے کہا کہ اسرائیل عملی طور پر مسلسل ناکام ہورہا ہے۔ اسرائیل و امریکا کا دنیا بھر میں امیج ختم ہوچکا ہے یہ دونوں ممالک نے غزہ کے مظلوموں کے مقابلے میں بدترین شکست کا سامناہے۔ امریکا و اسرائیل دنیا بھر میں قتل و غارت کے ذمہ دار ہیں۔
