Raza Musani 
تہران: ایرانی وزیر خارجہ عباس عراقچی نے کہاہے کہ ایران ایسا کوئی معاہدہ قبول نہیں کرے گا جس میں یورینیم افزودگی کا حق تسلیم نہ کیا گیا ہو۔ تہران میں سفارت کاروں سے گفتگو میں عباس عراقچی کا کہنا تھا کہ آئی اے ای اے سے معاہدہ ختم نہیں ہوا یہ ایک نئے انداز میں جاری رہے گا۔ انہوں نے کہا کہ بمباری سے متاثرہ جوہری مقامات تک رسائی میں سیکیورٹی اور تحفظ کے مسائل کا خدشہ ہے۔ آئی اے ای اے کے معائنہ کاروں کو جوہری تنصیبات تک رسائی دینا سیکیورٹی اور حفاظت کا معاملہ ہے۔ انہوں نے یورپی طاقتوں کو خبردار کیا ہے کہ اگر پابندیوں کے نفاذ کیلئے نام نہاد اسنیپ بیک میکانزم فعال کیا تو جوہری معاہدے میں ان کا کردار مؤثر طریقے سے ختم ہو جائے گا۔ انہوں نے خبردار کیا کہ برطانیہ، فرانس اور جرمنی یہ فرض کر کے سنگین غلط فہمی کر رہے ہیں کہ اسنیپ بیک میکانزم انہیں ایران کی جوہری فائل پر اسٹریٹجک فائدہ پہنچاتا ہے۔
