Raza Musani 
ابوجا : نائیجیریا میں سیکیورٹی فورسز نے اسرائیل کیخلاف احتجاج کرنے والوں کو خون میں نہلادیا۔دارالحکومت ابوجا میں قدس ریلی پر فائرنگ سے بیس افراد شہید اور درجنوں زخمی ہوگئے۔ زخمیوں میں خواتین اور بچے بھی شامل ہیں۔ یوم القدس کے موقع پر نمازجمعہ کے بعد آیت اللہ شیخ زکزاکی کی جماعت تحریک اسلامی کے زیر اہتمام ریلی نکالی گئی۔فلسطینی پرچم اٹھائے سینکڑوں مردو خواتین سڑکوں پر نکل آئے اور مارچ کیا سیکیورٹی فورسز نے مظاہرین کو آگے بڑھنے سے روکنے کیلئے شیلنگ اور فائرنگ کی۔ گولیاں لگنے سے بیس افراد شہید اور کئی زخمی ہوگئے۔ درجنوں مظاہرین کو گرفتار کرلیا گیا۔
آئی ایم این کے سینئر رکن سیدی منیر سوکوتو نے تشدد کے لیے فوج کو مورد الزام ٹھہراتے ہوئے کہا کہ یہ احتجاج پُرامن تھا جس پر فوج نے براہ راست گولیاں چلائیں۔
