یمن پر امریکا کے نئے حملے، کئی صوبوں پر بمباری

صنعا: امریکی فوج نے یمن پر نئے حملے کیے ہیں۔ ایک ہفتے کے دوران چوتھی بار امریکی اور برطانوی فوج نے یمن پر بمباری کی۔ تازہ فضائی حملے الحدیدہ، تعز، ذمار، البیضاء اور صعدہ صوبوں پر کئے گئے۔ امریکی سینٹ کام نے دعویٰ کیا کہ گذشتہ روز یمن سے داغے گئے چودہ میزائل مار گرائے تھے۔ یمن پر حملوں کا مقصد یمنی فوجی کی بحیرہ احمر میں حملوں کی صلاحیتوں کو محدود کرنا ہے۔
انصار اللہ یمن کے ترجمان محمد عبدالسلام نے کہا ہےکہ امریکا انصاراللہ کو دہشت گرد قرار دے کر فلسطین کی حمایت کرنے سے نہیں روک سکتا۔ دہشت گرد قرار دینے کے فیصلے سے فلسطینیوں کی حمایت میں اپنے موقف پر ہمارے عزم میں اضافہ ہوگا۔