Raza Musani 
واشنگٹن: امریکی صدر ڈونلڈ ٹرمپ اور صیہونی وزیراعظم نیتن یاہو نے قیدیوں کی رہائی کیلئے حماس سے نئے مذاکرات کا انکشاف کیا ہے۔ صیہونی وزیراعظم نیتن یاہو نے وائٹ ہاؤس میں امریکی صدر سے ملاقات کی اور ایران، ٹیرف اور حماس کے ہاتھوں اسرائیلی یرغمالیوں پر تبادلہ خیال کیا۔ دونوں رہنماؤں نے بتایا کہ غزہ میں حماس کی قید سے مزید یرغمالیوں کی رہائی کے لیے نئے مذاکرات جاری ہیں ۔ ملاقات کے بعد نیتن یاہو نے صحافیوں کو بتایا کہ ہم اب ایک اور ڈیل پر کام کر رہے ہیں جو، ہمیں امید ہے کہ کامیاب ہو جائے گی، ہم تمام یرغمالیوں کو نکالنے کے لیے پرعزم ہیں۔ ٹرمپ نےکہا ہم یرغمالیوں کو نکالنے کی بہت کوشش کر رہے ہیں، اب ہم ایک اور جنگ بندی کی امید کر رہے ہیں، ہم دیکھیں گے کہ کیا ہوتا ہے۔
