نئی تجاویز کا مقصد غزہ معاہدے کو نظرانداز کرنا ہے، حماس

غزہ: حماس نے غزہ میں جنگ بندی سے متعلق نئی تجاویز کو مسترد کرتے ہوئے کہاہے کہ نئی تجاویز کا مقصد غزہ معاہدے کو نظرانداز کرنا ہے۔حماس کے ترجمان حازم قاسم نے ایک بیان میں کہا کہ رپورٹس سے پتہ چلتا ہے کہ نئی تجاویز پیش کی جا رہی ہیں جس کا مقصد جنگ بندی کے معاہدے کو ناکام بنانا ہے۔ انہوں نے معاہدے کے دوسرے مرحلے پر عمل درآمد کے لیے حماس کے عزم کا اعادہ کیا۔ جس میں دوبارہ جنگ شروع نہ کرنا، غزہ سے مکمل اسرائیلی انخلا اور فلاڈیلفی کوریڈور خالی کرنا شامل ہے۔ انہوں نے یہ بھی نشاندہی کی کہ اسرائیل نے معاہدے میں بیان کردہ انسانی پروٹوکول پر عمل درآمد نہیں کیا ہے۔ انہوں نے مزید کہا کہ ہم جنگ کی طرف واپس نہیں جانا چاہتے۔ اگر اسرائیل اپنی جارحیت دوبارہ شروع کرتا ہے تو ہمارے پاس اپنے لوگوں کے دفاع کے سوا کوئی چارہ نہیں ہے۔
دی یروشلم پوسٹ کے مطابق امریکی ایلچی اسٹیو وٹ کوف نے دوحہ میں ثالثوں کو جنگ بندی پچاس دن تک بڑھانے کی تازہ ترین تجویز پیش کی ہے۔