Raza Musani 
جکارتہ : انڈونیشیا میں شادی کے بغیر جنسی تعلقات جرم قرار دینے کا قانون سیاحوں پر لاگو نہیں ہوگا۔ انڈونیشا کے سیاحتی مقام بالی کے گورنر ویان کوسٹر نے کہا کہ بالی ہمیشہ کی طرح بالی ہے۔ جس کا دورہ کرنا آرام دہ اور محفوظ ہے۔ سیاحوں کو رہائش کی جانچ پڑتال کرتے وقت اپنی ازدواجی حیثیت کو ثابت کرنے کی ضرورت نہیں ہوگی، اور مقامی اہلکار چیک نہیں کریں گے۔ جبکہ نائب وزیر انصاف نے وعدہ کیا کہ غیر ملکیوں کے خلاف مقدمہ نہیں چلایا جائے گا۔
نئے قانون میں غیر شادی شدہ جوڑوں کو جنسی تعلقات قائم کرنے کے لیے ایک سال اور ساتھ رہنے والوں کو چھ ماہ قید کی سزا دی گئی ہے۔ تاہم اس کا اطلاق صرف مقامی افراد پر ہو گا اور غیر ملکی سیاحوں کو اس سے استثنیٰ حاصل ہوگا۔
