Raza Musani 
تل ابیب : صیہونی وزیر اعظم بنیامین نیتن یاہو نے اپنی حکومت بچانے کیلئے جنگ بندی کے بعد بھی غزہ جنگ جاری رکھنے کا وعدہ کرلیا۔
اسرائیلی اخبار یدیوت اہرنوٹ نے رپورٹ دی ہےکہ نیتن یاہو نے وزیرخزانہ بیزالیل اسموٹریچ کو حکومتی اتحاد سے نکلنے سے روکنے کے لیے غزہ پر اسرائیل کی جنگ جاری رکھنے کا وعدہ کیا ہے۔ رپورٹ کے مطابق نیتن یاہو کے وعدے پر اسموٹریچ سمجھتے ہیں کہ ان کے مطالبات پورے ہوگئے ہیں۔
اسموٹریچ نے مطالبہ کیا تھا کہ اسیروں کی رہائی کے بعد فوج کو دوبارہ غزہ میں بھیجنے اور امداد کے بہاؤ پر کنٹرول کی ضمانت دی جائے۔
اس سے پہلے اسمورٹریچ نے کہا تھا کہ وزیر اعظم جنگ بندی کے پہلے مرحلے کے بعد جنگ دوبارہ شروع کرنے کا وعدہ کریں تو وہ اتحاد میں رہیں گے۔ نیتن یاہو کی اسموٹریچ سے ملاقات کے بعد ہی سیکورٹی کابینہ نے بغیر کسی رکاوٹ کے معاہدے کی منظوری دیدی۔
