Raza Musani 
غزہ : حماس نے کہا ہے کہ اسرائیل کو پانچ سالہ جنگ بندی پر مبنی تجویز پیش کی تھی جسے جنگی مجرم بنیامین نیتن یاہو نے مسترد کر دیا۔
حماس کے سینیئر اہلکار عبدالرحمٰن شدید نے ایک بیان میں کہا کہ حماس نے جنگ بندی اور اسیروں کی رہائی کیلئے ایک جامع منصوبہ پیش کیا تھا جس میں جارحیت کا مستقل خاتمہ، غزہ سے اسرائیلی افواج کا مکمل انخلاء، محاصرہ ختم کرنا، امداد اور ریلیف کا داخلہ اور تعمیر نو شامل ہے۔ انہوں نے کہا کہ اس تجویز میں تمام اسرائیلی قیدیوں کی ایک ساتھ رہائی اور فلسطینی قیدیوں کی متفقہ تعداد کے ساتھ ساتھ پانچ سالہ طویل مدتی جنگ بندی اور غزہ کا انتظام چلانے کیلئے ایک آزاد کمیٹی کی تشکیل شامل ہے۔ انہوں نے کہا کہ نیتن یاہو کی انتہا پسند حکومت نے منصوبہ مسترد کرتے ہوئے جنگ کے خاتمے کے عہد سے انکار کرنے پر اصرار کیا۔
