آپ کے قتل کا ذمہ دار نیتن یاہو ہے، حماس کا اسرائیلی قوم کو پیغام

غزہ : حماس نے اسرائیلی قیدیوں کی ہلاکت کا ذمہ دار صیہونی وزیراعظم نیتن یاہو اور اسرائیلی فوج کو قرار دے دیا۔ لاشوں کی حوالگی کے موقع پر ایک بیان میں حماس نے کہا کہ ہم چاہتے تھے کہ آپ کے بیٹے زندہ واپس آئیں۔ انہیں اپنی تحویل میں زندہ رکھنے کی کوشش کی۔ انہیں جو کچھ ہو سکتا تھا فراہم کیا اور ان کے ساتھ انسانی سلوک کیا، لیکن صیہونی فوج نے انہیں اغوا کرنے والوں کے ساتھ مار ڈالا۔ حماس نے کہا کہ جنگی مجرم نیتن یاہو قتل کی ذمہ داری سے بچنے کی کوشش میں آج اپنے قیدیوں کی لاشوں پر رو رہا ہے۔ انہوں نے کہا کہ آپ کے بیٹوں کو زندہ واپس کرنے کو ترجیح دیتے ہیں۔ لیکن یہ جنگی مجرم نیتن یاہو ہے جس نے انہیں واپس لانے کے بجائے ان کے قتل کا انتخاب کیا۔