نیتن یاہو جان بوجھ کر جنگ بندی معاہدے کے دوسرے مرحلے کو روک رہے ہیں، حماس

غزہ : حماس نے کہا ہے کہ صیہونی وزیراعظم نیتن یاہو جنگ بندی کے دوسرے مرحلے کو جان بوجھ کر روک رہے ہیں۔ حماس کے ترجمان عبداللطیف القانو نے کہاکہ جنگ بندی معاہدے کے دوسرے مرحلے پر بات چیت ابھی شروع نہیں ہوئی۔ جبکہ حماس نے معاہدے کے تمام مراحل کو مکمل کیا ہے اور وہ اسرائیل کی جانب سے جنگ بندی سے متعلق انسانی ہمدردی کے پروٹوکول کی تمام شقوں پر عمل درآمد کی منتظر ہے۔ انہوں نے کہا کہ اسرائیل موبائل گھر خیمے اور بھاری مشینری غزہ میں داخل نہیں ہونے دے رہاہے۔
عبداللطیف القانو نے کہاکہ وہ فلسطینی شہریوں کے خلاف بین الاقوامی سطح پر ممنوعہ ہتھیار استعمال کر رہا ہے۔ انہوں نے غزہ میں اسرائیل کے جنگی جرائم کی تحقیقات کے لیے بین الاقوامی کمیٹیاں تشکیل دینے کا مطالبہ کیا۔