نیتن یاہو جنگی مجرم ہے، بغیر مقدمہ گولی مار دینی چاہئے، بھارتی رہنما

کیرالا: ہندوستانی اپوزیشن جماعت کانگریس کے رکن پارلیمنٹ راج موہن اُنیتھن نے کہا ہے کہ صیہونی وزیراعظم جنگی مجرم ہے۔ اسے بغیر مقدمہ چلائے گولی ماردینا چاہیے۔ کیرالہ کے علاقے کسارگوڈ میں فلسطین یکجہتی ریلی میں راج موہن کے خطاب نے تنازعہ کھڑا کردیا ہے۔ راج موہن نے کہاکہ دوسری جنگ عظیم کے بعد نیورمبرگ ٹرائلز میں جنگی مجرموں کو بغیر کسی مقدمے کے گولی مار دی جاتی تھی۔ وقت آگیا ہے کہ نیورمبرگ ماڈل کو اپنایا جائے۔ انہوں نے کہا کہ نیتن یاہو ایک جنگی مجرم بن کر دنیا کے سامنے کھڑا ہے۔ جو وہ کررہا ہے وہ ظلم کی انتہائی سطح ہے۔ اسے گولی مار کر قتل کردینے کا وقت آگیا ہے۔ راج موہن نے واضح کیا کہ جنیوا کنونشن کے تمام معاہدوں کو توڑنے والوں کو سزا ملنی چاہیے۔