Raza Musani 
قاہرہ : مصر اور قطر کی ثالثی میں جنگ بندی معاہدے کیلئے مذاکرات کا آج دوبارہ آغاز ہوگا۔ حماس ترجمان کے مطابق جنگ بندی معاہدے کی پیش رفت پر بات چیت کےلیے مصر نے مدعو کیا ہے۔ حماس رہنما خلیل الحیہ کی قیادت میں وفد آج قاہرہ پہنچے گا۔ اسماعیل ہنیہ نے واضح کردیا ہے کہ بات چیت کا آغاز مستقل جنگ بندی سے ہی ہوگا۔ عرب میڈیا نے رپورٹ کیا ہے کہ امریکی سی آئی اے کے ڈائریکٹر بل برنز کا بھی قاہرہ پہنچنے کا امکان ہے۔ ایک روز پہلے امریکی صدر بائیڈن نے قطر اور مصر کے ثالث کاروں کو خط لکھا تھا جس میں جنگ بندی مذاکرات کےلیے حماس پر دباؤ ڈالنے کا کہا تھا۔
