Raza Musani 
پیرس : نیٹو کے بیشتر ممالک نے اپنی فوج یوکرین بھیجنے کی فرانسیسی صدر میکرون کی تجویز مسترد کردی۔ پیرس میں یورپی رہنماؤں کے اجلاس کے بعد میکرون نے کہا تھا کہ یوکرین پر بڑھتے ہوئے روسی دباؤ کی وجہ سے مغربی فوجیں بھیجنے کا امکان رد نہیں کیا جاسکتا۔ نیٹو ممالک نے تجویز کی مخالفت کرتے ہوئے کہا کہ یوکرین میں زمینی فوجیں بھیجنے کا کوئی منصوبہ نہیں ہے۔ امریکی محکمہ خارجہ نے کہا ہے کہ صدر جو بائیڈن فوج بھیجنے سے انکار کرچکے ہیں۔ جبکہ کریملن کے ترجمان نے کہا کہ اگر فوج بھیجی تو روس اور مغربی ممالک کے درمیان تنازعہ ناگزیر ہو جائے گا۔
