Raza Musani 
کراچی: پاکستان تحریک انصاف نے انتخابی دھاندلی کیخلاف ملک بھر میں احتجاج کیا اور ریلیاں نکالیں۔ کراچی۔ اسلام آباد۔ لاہور۔ پشاور سمیت مختلف شہروں میں بڑی تعداد میں لوگ احتجاج میں شریک ہوئے. کئی رہنماؤں کو حراست میں لے لیا گیا۔ لاہور میں ریلیوں اور مظاہروں میں شریک تحریک انصاف کے رہنما لطیف کھوسہ، سلمان اکرم راجا، دو رکن پنجاب اسمبلی حافظ فرحت عباس اور ہارون اکبر کو حراست میں لے لیا گیا۔ لاہور سے میاں محمود الرشید کے بیٹے ڈاکٹر حسن محمود کو بھی حراست میں لے لیا گیا۔ پی ٹی آئی نے اسلام آباد اور راولپنڈی میں بھی مبینہ انتخابی دھاندلی کے خلاف احتجاج کیا، سیمابیہ طاہر کی زیر قیادت میں ریلی سے کچھ کارکنوں کو حراست میں لیا گیا۔ ادھر ملتان کے مظاہرے سے سینئر سیاستدان جاوید ہاشمی کے داماد اور نواسے کو گرفتار کرلیا گيا۔ کراچی میں بھی تحریک انصاف نے احتجاج کیا، حلیم عادل شیخ کی سربراہی میں داؤد چورنگی پر احتجاج کیا گیا جبکہ کوئٹہ میں تحریک انصاف کے کارکنوں نے احتجاجی ریلی نکالی۔
