مسلم شدت پسند برطانیہ کی سلامتی کیلئے سب سے بڑا خطرہ ہے، وزیر داخلہ

لندن: برطانوی وزیرداخلہ سویلا بریورمین نے خبردارکیا ہے کہ مسلم شدّت پسند اب بھی برطانیہ کی قومی سلامتی کے لیے سب سے بڑا خطرہ ہیں۔ سویلا بریورمین نے انسداد دہشت گردی کی حکمت عملی کا مسودہ مرتب کرلیا جس کا اعلان وہ رواں ہفتے کریں گے۔ برطانوی میڈیا کے مطابق سیکریٹری داخلہ نے اپنے مسودہ میں لکھا ہے کہ القاعدہ اور داعش اب بھی برطانیہ پر حملے کی منصوبہ بندی کررہے ہیں گذشتہ دنوں برطانیہ میں ایک عوامی اجتماع پر داعش کی دہشت گردی کی منصوبہ بندی کو ناکام بنا دیا گیا تھا۔ انہوں نے خبردار کیا کہ اسوقت بھی انسداد دہشت گردی فورسز 800 کے قریب دہشت گردی سے متعلق براہ راست کیسز کی تحقیقات کررہی ہیں۔ گذشتہ سال دہشت گردی سے متعلق جرائم کے لیے 169 گرفتاریاں کی گئیں۔ سویلا بریورمین نے لکھا کہ اسلامی شدت پسندی برطانیہ کی خفیہ ایجنسی ایم آئی 6 کےکیسز کی فہرست کا اب بھی تین چوتھائی حصہ ہے۔ انہوں نے کہا کہ اسلامی دہشت گردی ایک بڑا خطرہ بنی ہوئی ہے اور یہ بالکل غیر متوقع ہوتی ہے، جس کا پہلے سے پتہ لگانا اور پھر تفتیش کرنا مشکل ہو رہا ہے۔