Raza Musani 
غزہ : غزہ میں حماس کے عسکری ونگ القسام بریگیڈ نے شدید حملے کرکے صیہونی فوج کو بھاری نقصان پہنچایا ہے۔ القسام بریگیڈ نے بتایا کہ خان یونس میں اسرائیلی فوج کے دو یونٹس پر کامیاب حملہ کیا گیا۔ حملے میں متعدد اسرائیلی فوجی ہلاک اور زخمی ہوئے ہیں۔ دونوں یونٹس کو پوائنٹ بلینک رینج میں مصروف رکھا۔ اسرائیلی ہیلی کاپٹروں کو گھات لگانے کے بعد ہلاک اور زخمی فوجیوں کو نکالتے ہوئے دیکھا گیا۔ اسلامی جہاد نے بھی حمد شہر کے ایک اپارٹمنٹ کو دھماکے سے اڑادیا۔ اپارٹمنٹ میں چھ فوجیوں نے ڈیرہ ڈالا ہوا تھا۔ فوجیوں کو طاقتور دھماکہ خیز ڈیوائس سے نشانہ بنایا گیا۔
