مفتی فضل ہمدرد تکفیری دہشت گردوں کے حملہ میں زخمی

کراچی: محب اہل بیتؑ اہل سنت اسکالر مفتی فضل ہمدرد پر کراچی میں تکفیری دہشت گردوں نے حملہ کرکے انہیں زخمی کردیا۔ مفتی فضل ہمدرد کو کراچی کے علاقے قائد آباد میں نشانہ بنایا گیا، دہشت گردوں نے ان پر بلیڈ سے حملہ کیا جس کے سبب ان کی گردن اور بازوں سمیت مختلف اعضاء پر شدید زخم آئے۔ مفتی فضل ہمدرد کو زخمی حالت میں اسپتال منتقل کیا گیا جہاں ڈاکٹروں نے انہیں فوری ابتدائی طبی امداد فراہم کی۔ مفتی فضل ہمدرد کی حالت خطرے سے باہر ہے۔