Raza Musani 
نیویارک : اقوام متحدہ نے کہاہے کہ پندرہ ماہ سے بنیادی انسانی ضروریات سے محروم غزہ کیلئے بہت زیادہ کام کرنا ہوگا۔ مشرق وسطی کی صورتحال سے متعلق سلامتی کونسل کی بریفنگ میں اقوام متحدہ کے خصوصی کوآرڈینیٹر سگریڈ کاگ نےکہا کہ غزہ میں موت ، تباہی اور نقل مکانی نے شہریوں کو بری طرح متاثر کیا ہے۔ جنگ بندی کے پہلے مرحلے سے انتہائی ضروری امداد کی فراہمی میں اضافہ ہوا ہے۔ لیکن ابھی بہت کام کرنا باقی ہے۔ انہوں نے کہا کہ آج مشرق وسطی میں تیزی سے تبدیلی آرہی ہے۔ اس کا دائرہ اور اثر غیر یقینی ہے لیکن یہ ایک تاریخی موقع پیش کرتا ہے۔ انہوں نے امید کا اظہار کیا کہ خطے کے لوگ اس دور کے باعث امن ، سلامتی اور وقار کے ساتھ ابھر سکتے ہیں۔ انہوں نے متنبہ کیا کہ یہ دو ریاستوں کے حل کو حاصل کرنے کا ہمارا آخری موقع ہوسکتا ہے.
