Raza Musani 
اسلام آباد: یرانی صدر کی شہادت پر پاکستان میں آج قومی پرچم سرنگوں ہے۔ قومی پرچم سرنگوں رکھنے کا فیصلہ حکومت پاکستان نے کیا اور گزشتہ روز کابینہ ڈویژن نے اسکا نوٹیفکیشن جاری کیا تھا۔ ایران کے صدر کی شہادت پر سندھ اور پنجاب کی صوبائی حکومتوں کی جانب سے بھی ایک ایک روزہ سوگ کا اعلان کیا گیا تھا۔ دوسری طرف سندھ حکومت کی جانب سے جاری کردہ نوٹیفکیشن کے مطابق آج صوبے میں سرکاری عمارتوں میں قومی پرچم سرنگوں رہے گا۔ ایرانی صدر اور ان کے رفقا کے حادثے میں انتقال پر پنجاب حکومت نے بھی آج یوم سوگ منانے کا اعلان کیا ہے۔
