Raza Musani 
ماسکو: ایرانی صدر مسعود پزشکیان نے ماسکو میں گیس برآمد کرنے والے ممالک کے سربراہی اجلاس کے موقع پر روسی صدر ولادیمیر پیوٹن سے ملاقات کی ہے۔ ملاقات میں فریقین نے سیاسی، اقتصادی اور تجارتی تعاون کو وسعت دینے کی ضرورت پر زور دیا۔ ملاقات کے دوران پیوٹن نے امید ظاہر کی کہ مشرق وسطیٰ میں کشیدگی کی سطح میں کمی آئے گی۔
ایرانی صدر نے امیر قطر شیخ تمیم بن حمد آل ثانی سے بھی ملاقات کی ۔ ملاقات کے دوران مشرقِ وسطیٰ کی جنگ اور آبنائے ہرمز کی صورتِ حال پر تبادلۂ خیال کیا۔ دونوں رہنماؤں نے خطے کی تازہ صورتِ حال، خصوصاً مذاکرات میں پیش رفت، آبنائے ہرمز، توانائی کی فراہمی اور گیس برآمد کرنے والے ممالک کے اجلاس کے ایجنڈے میں شامل امور پر گفتگو کی۔
اس سے قبل گیس سربراہی اجلاس سے خطاب کرتے ہوئے ایرانی صدر نے کہا کہ امریکا نے یکطرفہ پابندیوں اور فوجی مداخلتوں کے ذریعے عالمی توانائی منڈی کے استحکام کو خطرے میں ڈال دیا ہے۔
