Raza Musani 
نیویارک: اقوام متحدہ کہا ہے کہ جنگ سے تباہ غزہ کی تعمیر نو کے لیے 53 ارب ڈالر سے زیادہ کی ضرورت ہوگی۔ اقوام متحدہ کے سیکریٹری جنرل انتونیو گوٹیرس نے جنرل اسمبلی کی درخواست پر غزہ کی تعمیر نو کی رپورٹ پیش کردی۔ رپورٹ میں کہا گیا ہے کہ اگرچہ موجودہ تناظر میں غزہ میں درکار ضروریات کی حد کا مکمل جائزہ لینا ممکن نہیں ہے۔ لیکن عبوری تشخیص غزہ میں بحالی اور تعمیر نو کی بڑے پیمانے پر ضروریات کا ابتدائی تخمینہ فراہم کرتی ہے۔
رپورٹ کے مطابق ہاؤسنگ سیکٹر کو تعمیر نو کی ضروریات کا تقریباً 30 فیصد۔ یا 15.2 ارب ڈالر درکار ہوں گے۔ تجارت اور صنعت کے شعبے کے لیے 6.9 ارب ڈالر اور صحت کے شعبے کے لیے 6.9 درکار ہوں گے۔ جبکہ زراعت۔ سماجی تحفظ ۔ ٹرانسپورٹ پانی اور صفائی کے شعبے اور تعلیم کے شعبے کے لیے سولہ ارب ڈالر سے زائد درکارہوں گے۔
