Raza Musani 
فارس نیوز ایجنسی کی رپورٹ کے مطابق غزہ کی وزارت صحت کے ترجمان اشرف القدرہ نے کہا کہ 124 روز کی جنگ میں ستائیس ہزار پانچ سو سے زیادہ بے گناہ فلسطینی شہید ہوچکے ہيں اب تک غزہ جنگ میں 66900 زخمی ہوئے ہيں جبکہ سات ہزار سے زیادہ لوگ ملبے کے نیجے دبے ہوئے ہيں اور لاپتہ ہیں.
اشرف القدرہ نے کہا کہ غاصب صیہونی حکومت ، گذشتہ چوبیس گھنٹوں کے دوران نہتھے فلسطینی شہریوں کے خلاف تیرہ نئے جارحانہ حملے کر چکی ہے جس کے نتیجے میں ایک سو تیرہ افراد شہید اور دو سو پانچ افراد زخمی ہوئے ہيں.
اس سلسلے میں یونیسف نے ایک بار پھر غزہ میں بچوں کی ابتر صورت حال کے بارے میں خبردار کرتے ہوئے اعلان کیا ہے کہ تقریبا تیرہ لاکھ لوگ جس میں 6 لاکھ دس ہزار بچے ہيں ، جنوبی شہر رفح کی سڑکوں اور گلی کوچوں میں پڑے ہوئے ہیں ۔ بچوں سے متعلق اقوام متحدہ کی ایجنسی یونیسف نے انتباہ دیا ہے کہ غزہ کے انسانی بحران کے باعث ہزاروں افراد کو بیماریوں کا خطرہ ہے.
اقوام متحدہ نے اعلان کیا ہے کہ اسرائیلی حملے کی وجہ سے غزہ کی 85 فیصد آبادی کو کھانے پینے اور دواؤں کی شدید قلت کا سامنا ہے جبکہ غزہ کے ساٹھ فیصد بنیادی ڈھانچے کو نقصان پہنچا ہے یا وہ پوری طرح تباہ ہوگئے ہيں.
