سعودی عرب میں چاند نظر آگیا، کل عید ہوگی، پاکستان میں پیر کو عید ہونے کا قوی امکان

ریاض : سعودی عرب میں شوال 1446 ہجری کا چاند نظر آگیا، مملکت میں عیدالفطر کل ہوگی۔ سعودی عرب کے شہر السدیر میں عید کا چاند دیکھنے کےلیے اجلاس ہوا جبکہ مکہ، مدینہ، تبوک، دمام سمیت 10 سے زائد مقامات پر رویت ہلال کمیٹی کے اجلاس ہوئے۔ شاہی دیوان کی جانب سے جاری بیان میں کہا گیا کہ شوال کا چاند نظر آنے کی شہادتیں موصول ہوئیں، سعودی عرب میں عیدالفطر کل منائی جائے گی۔
ادھر پاکستانی اسپیس ایجنسی اسپارکو کا کہنا ہے کہ کل پاکستان میں شوال کا چاند نظر آنے کا امکان نہایت روشن ہے۔ ترجمان اسپارکو کے مطابق شوال کا چاند آج پاکستانی وقت کے مطابق تین بجکر 58 منٹ پر تشکیل پا گیا ہے۔