Raza Musani 
اسلام آباد : ترجمان دفتر خارجہ عاصم افتخار نے کہا ہے کہ او آئی سی وزرائے خارجہ کونسل کا اجلاس 22 اور 23 مارچ کو اسلام آباد میں ہوگا۔ بھارت 70 برس سے عالمی قوانین اور اقوام متحدہ چارٹر کی خلاف ورزیاں کررہا ہے۔مقبوضہ کشمیر میں بھارتی افواج کے مظالم اور انسانی حقوق کی خلاف ورزیاں جاری ہیں۔ پاکستان کشمیری بھائیوں کیلئے ہر ممکن تعاون جاری رکھے گا۔بھارت کےساتھ سفارتی تعلقات کی مکمل بحالی کے حالات نہیں اسے سازگار حالات پیدا کرنا ہونگے۔
ترجمان نے کہا کہ بھارت پاکستان کو منفی پروپیگنڈے کے ذریعے ٹارگٹ کرتا ہے۔ جعلی معلومات پر بھارت دنیا میں بے نقاب ہوچکا ہے۔ ترجمان نے کہا کہ وزیر اعظم بیجنگ ونٹر اولمپکس کی افتتاحی تقریب میں شریک ہونگے۔وہ بیجنگ میں اعلیٰ چینی قیادت سے ملاقاتیں بھی کرینگے۔سی پیک کی رفتار سست ہونے کا تاثر درست نہیں۔
