مجلس وحدت مسلمین کے وفد کی ایم کیو ایم رہنماؤں سے ملاقات، کانفرنس میں شرکت کی دعوت

کراچی : مجلس وحدت مسلمین پاکستان کے وفد نے متحدہ قومی موومنٹ پاکستان کے مرکز بہادر آباد پر اراکین رابطہ کمیٹی عبدالحسیب، عارف خان ایڈوکیٹ اور رکن صوبائی اسمبلی عباس جعفری و دیگر سے ملاقات کی۔ وفد نے 29 دسمبر کو ہونے والی تعمیر کراچی پاکستان کانفرنس کا دعوت نامہ اراکین رابطہ کمیٹی کو پیش کیا اور کانفرنس میں شرکت کی درخواست کی۔ ملاقات کےدوران سیاسی صورتحال پرتفصیلی گفتگو ہوئی۔ایم ڈبلیوایم رہنماؤں سے ایم کیو ایم کی رابطہ کمیٹی کےرکن عبدالحسیب نے کانفرنس کا دعوت نامہ وصول کیا۔ ایم ڈبلیو ایم کے وفد میں صوبائی پولیٹیکل سیکریٹری سید علی حسین نقوی، صوبائی عہدیدار ناصر حسینی، سیکریٹری جنرل کراچی علامہ صادق جعفری، میر تقی ظفر و دیگر شامل تھے۔