Raza Musani 
لندن: لندن میں میٹروپولیٹن پولیس نے دہشت گردی میں ملوث ہونے کے الزام میں 5 ایرانیوں سمیت آٹھ افراد کو گرفتار کرلیا۔ لندن پولیس نے سوئنڈن۔ مغربی لندن۔ اسٹاک پورٹ۔ روچڈیل اور گریٹر مانچسٹر میں چھاپے مار کر پانچ ایرانیوں کو حراست میں لیا ہے جنہیں ایک مخصوص احاطے کو نشانہ بنانے کی منصوبہ بندی کی تحقیقات کے دوران حراست میں لیا گیا۔ پولیس کے مطابق تفتیش ابھی ابتدائی مراحل میں ہے اور کسی بھی ممکنہ محرک کا پتا لگانے کیلئے مختلف پہلوؤں سے انکوائری کی جارہی ہے۔
ادھر شمال مغربی لندن اور مغربی لندن میں تین الگ الگ مقامات سے مزید تین افراد کو حراست میں لیا گیا ہے جن کی عمر 39 ، 44 اور 55 سال ہے۔ انہیں قومی سلامتی ایکٹ کے تحت گرفتار کیا گیاہے ۔ پولیس نے بتایا کہ دونوں کارروائیاں منسلک نہیں ہیں۔
