Raza Musani 
غزہ : حماس سے جنگ کے دوران لبنان کے ساتھ اسرائیلی محاذ بھی گرم ہوگیا ہے۔ اسرائیل کی جنوبی سرحد پر لبنانی حزب اللہ کی طرف سے اسرائیلی ٹھکانوں پر گولہ باری کی گئی ہے۔ گولے جنوبی لبنان میں مقبوضہ شیبا فارمز میں گرے۔ عماد مغنیہ گروپ کی جانب سے زبدین اور ویسات العالم کو نشانہ بنایا گیا۔ یہ اقدام فلسطینی عوام اور مزاحمتی دھڑوں کے ساتھ یکجہتی کے طور پر سامنے آیا ہے۔ یہ ان کی باقی ماندہ لبنانی علاقوں کو آزاد کرانے کی کوششوں کا حصہ ہے۔ اسرائیلی فوج نے جوابی کارروائی کرتے ہوئے کفر شعبہ قصبے کے آس پاس کے علاقوں پر بمباری کی۔ اسرائیلی فوج کے ترجمان نے تصدیق کی ہے کہ توپ خانے نے لبنان کے ایک علاقے پر بمباری کی جہاں سے اسرائیلی علاقے کی طرف فائر کیا گیا۔
