لبنان اور اسرائیل کا تنازعات کے حل کیلئے بات چیت پر اتفاق

بیروت : لبنان اور اسرائیل نے اپنی زمینی سرحدوں پر تنازعات کو حل کرنے کے لیے بات چیت شروع کرنے پر اتفاق کیا ہے۔امریکی نشریاتی ادارے ایگزیوس نے نامعلوم امریکی اہلکار کےحوالے سے بتایا کہ دونوں فریقوں کے درمیان مفاہمت کے فریم ورک کے تحت اسرائیل نے پانچ لبنانیوں کو رہا کیا ہے جنہیں اسرائیلی فوجی دستوں نے گذشتہ سال جنگی کارروائیوں کے دوران گرفتار کیا تھا۔ مشرق وسطیٰ کے لیے امریکی نائب خصوصی ایلچی مورگن اورٹاگس نے اعلان کیا کہ لبنان اور اسرائیل کے درمیان سرحدی مسائل کے حل کے لیے ایک معاہدہ طے پا گیا ہے۔ واشنگٹن دونوں فریقوں کے درمیان ثالث کا کردار ادا کرے گا۔ مسائل کے حل کے لیے ورکنگ گروپس تشکیل دیےگئے ہیں۔ واضح رہے کہ جنگ بندی معاہدے کے نافذ العمل ہونے کے باوجود اسرائیل نے لبنانی سرزمین کے اندر حملے جاری رکھے ہوئے ہیں۔